Xətai Sənət Mərkəzinin Mədəniyyət Nazirliyi, Azərbaycan Rəssamlar İttifaqı, “Azərbaycan Televiziya və Radio Verilişləri” Qapalı Səhmdar Cəmiyyəti (QSC), Dövlət Rəsm Qalereyası ilə birgə keçirdiyi “Yurdumuza bahar gəlir” adlı rəsm müsabiqəsinin birinci mərhələsi yekunlaşıb.

Müsabiqədə seçim iki yaş kateqoriyası üzrə (12 və 12-17 yaş) aparılıb. Yekun sərgidə birinci yaş kateqoriyası üzrə 140 uşaq, ikinci kateqoriya üzrə isə 130-dək uşaq əl işlərini təqdim edəcək.

12 yaşa qədər uşaqlar üçün  sərgi martın 18-də, 12-17 yaş arası uşaqlar üçün isə martın 19-da Xətai Sənət Mərkəzində keçiriləcək. Seçilmiş 20 əsərin müəllifi “Azərbaycanım” Uşaq rəsm festivalına dəvət olunacaq.