Sentyabrın 27-də YARAT Müasir İncəsənət Məkanında rejissorlar Fidan Cəfərova və Tofiq Rzayevin ekranlaşdırdığı “Araf” adlı film nümayiş olunacaq.
Art-haus janrında çəkilmiş ekran əsəri müharibə dövründə bir ailənin yaşam tərzini, parçalanmasını və ailənin hər bir üzvünün emosional vəziyyətini əks etdirir. Filmdə müharibənin konkret nə zaman baş verdiyi göstərilmir. Ekran əsərinin “Araf” adlandırılması da təsadüfi deyil. İslam dinində “Araf” cənnət və cəhənnəm arasında məkan sayılır. Azərbaycan dilində nümayiş olunacaq filmdə aktyorlar Bəsti Cəfərova, Sabir Məmmədov, Könül İskəndər və Adil Dəmirov çəkiliblər.