“İçərişəhər” tammetrajlı bədii filmi noyabrın 20-dən 28-dək keçiriləcək 47-ci Qoa (Hindistan) beynəlxalq kinofestivalına dəvət alıb.
Mədəniyyət və Turizm Nazirliyinin dəstəyi ilə “Azərbaycanfilm” kinostudiyasında lentə alınan ekran əsərinin ideya müəllifi Təhminə Rafaella, ssenari müəllifləri Təhminə Rafaella və İlqar Safat, quruluşçu rejissoru İlqar Safat, quruluşçu operatoru Luka Koassin, quruluşçu rəssamı Bütünay Haqverdiyev, icraçı prodüseri Ülvi Qasımov, prodüseri Müşfiq Hətəmovdur. Rolları Təhminə Rafaella, Firdovsi Atakişiyev, Mehriban Zəki, Elmira Şabanova və digərləri canlandırıblar.
Qeyd edək ki, “İçərişəhər” filmi bu yaxınlarda Qahirə (Misir) və Van (Türkiyə) festivallarına da dəvət alıb.