Dünən ədəbiyyat nominasiyası üzrə Nobel mükafatı laureatının adı açıqlanıb. 2010-cu ildə bu yüksək mükafata Peru yazıçısı Mario Varqas Lyosa layiq görülüb. 74 yaşlı yazıçı müasir Latın Amerikası ədəbiyyatının aparıcı novator qələm sahiblərindən sayılır. Latın Amerikası ədəbiyyatında onun adı Markes, Kortasar və Borxeslə birgə çəkilir. Yazıçının ilk romanı olan “Şəhər və itlər” böyük səs-küy doğurub, hətta paytaxt Limada bu əsər kütləvi şəkildə yandırılıb. Varqas Lyosa İspaniya Kral Akademiyasının üzvü, Avropa və Amerikanın bir sıra universitetlərinin fəxri doktorudur.