Fevralın 6-8-də Latviyanın paytaxtı Riqada BALTUR beynəlxalq turizm sərgisi keçiriləcək. Mədəniyyət və Turizm Nazirliyindən verilən məlumata görə, Azərbaycan bu sərgidə ilk dəfə iştirak edəcək. Fevralın 12-15-də İstanbulda hər il ənənəvi keçirilən EMİTT Beynəlxalq turizm sərgisində isə Azərbaycanın daha geniş şəkildə təmsil olunması nəzərdə tutulub. Sərgidə Azərbaycan tərəfi öz stendini təqdim etməklə yanaşı, milli rəqs qrupumuz bədii proqram da göstərəcək.