Aprelin 17-də Azərbaycan Turizm İnstitutunda almaniyalı mütəxəssis Ernst Hinskenin iştirakı ilə “Turizm - bizim əsrin iqtisadiyyatının aparıcı qüvvəsi” adlı təqdimat keçiriləcək.
   Turizm İnstitutundan aldığımız məlumata görə, tədbirdə Almaniya İqtisadiyyat və Texnologiya Nazirliyinin təmsilçisinin, Almaniyanın ölkəmizdəki fövqəladə və səlahiyyətli səfirinin, eyni zamanda səfirliyin bir qrup əməkdaşının da iştirakı gözlənilir.
   Qeyd edək ki, təqdimatda turizmin iqtisadiyyatın inkişafında oynadığı mühüm rolu və Almaniyanın turizm potensialını əks etdirən videoçarxlar nümayiş olunacaq. 

   F.ABDULLAYEVA