- 20-10-2010
- 1270
Belarusun yaradıcı ziyalılarının “Literatura i iskusstvo” qəzetinin 15 oktyabr nömrəsində “Kruqozor” rubrikasında Azərbaycanın görkəmli şair və dramaturqu Hüseyn Cavidin yaradıcılığına həsr edilmiş böyük həcmli material dərc edilib. Məqalənin maraqlı cəhəti ondan ibarətdir ki, burada Azərbaycan ədəbiyyatının klassikinin Belarus dilinə ilk dəfə tərcümə edilmiş şeirləri də verilib. “Polınya” ədəbi jurnalının baş redaktoru, şair Nikolay Metlitskinin tərcüməsində təqdim edilən şeirlər Belarus oxucularının Hüseyn Cavid poeziyasının koloritini duymalarına imkan verir.
