Masallı Regional Mədəniyyət İdarəsinin rəisi Bəxtiyar Qılıncov, idarənin əməkdaşları və Mədəniyyət İşçiləri Həmkarlar İttifaqı (MİHİ) Masallı rayon komitəsinin sədri Vəkil İsmayılov qarşıdan gələn Ramazan bayramı münasibətilə Vətən müharibəsi şəhidləri Şəmsəddin Təhməzov, Məhəmməd Vəliyev, Ziya Gözəlov, Murad Səlifov, Vüsal Cəfərov, Vüqar İbadov və Elçin İsmayılovun ailələrini və İkinci Qarabağ müharibəsi iştirakçısı Asif Abdullayevi ziyarət ediblər.

Ailələrə bayram sovqatı təqdim olunub.

Regional əməkdaşları, mədəniyyət işçiləri və müvafiq sahə üzrə gənc könüllülərin iştirakı ilə Masallıdakı XIX əsrə aid tarixi hamamın yerləşdiyi ərazidə və binanın daxilində təmizlik işləri aparılıb.

***

Mingəçevir şəhərində Vətən müharibəsini şəhid çavuşu, dövlət başçısının sərəncamı ilə ölümündən sonra “Vətən uğrunda” medalı ilə təltif edilən Əzəmi Hüseynovun adına inşa olunan bulağın açılış mərasimi keçirilib.

Mərasimdə şəhidin döyüş yolu haqqında məlumat verilib. Sumqayıt Regional Mədəniyyət İdarəsinin tabeliyində fəaliyyət göstərən Şuşa rayon Xanalılar kənd Uşaq musiqi məktəbi şagirdlərinin ifasında ədəbi-bədii kompozisiya nümayiş etdirilib.

NURƏDDİN