2012-ci ildən “Azərbaycanın Gənclər Paytaxtı” layihəsi həyata keçirilir. Hər il, paytaxt Bakı istisna olmaqla, ölkənin bir şəhər və ya rayonu bu missiyanı daşıyır. 2022-ci ildə estafeti Tovuz şəhəri qəbul edir.

Fevralın 2-də Azərbaycan Gəncləri Gününün 25 illiyinə həsr olunmuş Gənclər Forumu çərçivəsində ölkənin 9 şəhəri arasında püşkatma keçirilib. Püşkatmanın nəticəsinə əsasən, Tovuz 2022-ci il üçün “Azərbaycanın Gənclər Paytaxtı” elan edilib.

Qeyd edək ki, ötən müddətdə Gəncə, Biləsuvar, Quba, İsmayıllı, Şəmkir, Balakən, Naxçıvan, Şamaxı, Masallı, Göygöl “Azərbaycanın Gənclər Paytaxtı” seçilib.