Roma Katolik Kilsəsinin rəhbəri Papa Fransisk şiddətli zəlzələ nəticəsində çoxlu sayda insan tələfatı ilə bağlı hər kəsi Türkiyə və Suriya xalqları ilə həmrəylik nümayiş etdirməyə çağırıb.

Papa Fransisk hazırda fikirlərinin minlərlə insanın ölümünə və yaralanmasına səbəb olan zəlzələdən ciddi şəkildə təsirlənən Türkiyə və Suriya xalqları ilə olduğunu bildirib.

“Onlar üçün güclü hisslərlə dua edirəm. Bu dağıdıcı fəlakətdən əziyyət çəkən bütün insanlara və xalqlara öz yaxınlığımı bildirmək istəyirəm. Qardaş və bacılarımızın bu faciə qarşısında irəliləyə bilmələri üçün birlikdə dua edək”, – deyə Roma Papası vurğulayıb.

Papa Fransisk zəlzələ bölgələrində bu çətin şəraitdə həyat xilas etməyə çalışanlara da təşəkkür edib və onlar üçün dua etməyi xahiş edib.