Mütəxəssislər Qədim Şəmkir şəhərinin ərazisində qoruq yaradılmasını vacib sayırlar. Onlar bildirirlər ki, bu, bölgəyə daha çox turist cəlb edə bilər.
   Azərbaycan Milli Elmlər Akademiyasının Şəmkir ekspedisiyasının rəhbəri Tarix Dostiyev bildirib ki, tarixi abidənin qoruğa çevrilməsinə əsas verən səbəblər ərazinin həm çox qədim, həm də dəyərli və dünyəvi tarixə malik olmasıdır.
   Hazırda Mədəniyyət və Turizm Nazirliyinin göstərişi ilə layihə hazırlanır. Şəmkir şəhərinin ərazisi qoruq olduqdan sonra onun tarixi abidə kimi mühafizəsinin təmin edilməsi ilə yanaşı, buraya gələn ziyarətçilərin və turistlərin sayı da artacaq.