Builki yay turizm mövsümündə Lənkəran rayonuna gələn turistlərin sayı ötən illə müqayisədə artıb. Buna səbəb rayonun əsrarəngiz təbiəti, ləziz mətbəxi və təklif olunan sərfəli qiymətlərdir. Turistlərin əksəriyyətini ölkəmizin şəhər və rayonlarından gələn ailələr təşkil edir. İstirahət mərkəzlərində turistlərin mənalı istirahət etməsi üçün hər cür şərait yaradılıb. Hazırda Lənkəran rayonunda 13 turizm və istirahət mərkəzi fəaliyyət göstərir. Ötən il rayona 9 mindən çox təbiət vurğunu gəlib. Builki yay mövsümündə isə rayona gələn turistlərin sayı 50 faiz artıb.

  Fəxriyyə