Azərbaycanda hotellərə ulduz dərəcəsinin verilməsinin məcburi olması nəzərdə tutulur. Mədəniyyət və turizm naziri Əbülfəs Qarayevin jurnalistlərə bildirdiyinə görə, turizmlə bağlı yeni qanunvericilikdə bu məsələ nəzərdə tutulacaq: “Ulduzların verilməsi müəyyən dövrdə, bəlkə də 5, 7, 10 il ərzində məcburi olmalıdır. Çünki bu gün bizim əsas məqsədimiz keyfiyyətli xidmət təqdim etməkdir. Ona görə də bunun üçün hansısa addımlar atacağıq”.
   Nazir onu da qeyd etdi ki, qanunvericilikdə hotellərə ulduzların verilməsi məcburi olarsa, onda bütün hotellər yenidən sertifikatlaşdırmadan keçməlidirlər: “Hazırda isə hotellərin lisenziyalaşdırılması məcburidir, ancaq onlara ulduzların verilməsi könüllü şəkildə həyata keçirilir”.
   
   Fəxriyyə Abdullayeva