Oktyabrın 21-dən 23-dək Malayziyanın Melaka şəhərində dünya turizm konfransı keçiriləcək. Dünya Turizm Təşkilatının saytında yer alan xəbərə görə, konfransda turizm sənayesinin cari və aktual məsələləri müzakirə ediləcək. Tədbirdə Malayziya Baş nazirinin müavini Muhyiddin bin Yassinin, mədəniyyət və turizm naziri Mohamed Nazri Bin Azizin, Dünya Turizm Təşkilatının baş katibi Taleb Rifainin çıxışları nəzərdə tutulub.
   Konfransda kütləvi turizmin iqtisadiyyatın digər sektorları ilə əlaqələri, innovativ marketinq, turizm sənayesi məhsulunun inkişafı məsələləri müzakirə ediləcək.