Noyabr 22-də saat 19:00-da Fikrət Əmirov adına Gəncə Dövlət Filarmoniyasında görkəmli bəstəkar, Xalq artisti Hacı Xanməmmədovun (1918-2005) mahnılarından ibarət konsert proqramı keçiriləcək.

Gecədə filarmoniyanın Xalq çalğı alətləri orkestrinin müşayiəti ilə solistlərin ifasında bəstəkarın "Yaşa, könül", "Arzuya bax, sevgilim", "Yadıma düşdü", "Gözünə qurban", "Ceyran", "Getmə, amandır", "Oxu, sevgilim" və başqa mahnıları səsləndiriləcək.

Biletləri filarmoniyanın kassasından və iticket.az saytından əldə etmək mümkündür.

***

18-25 noyabr tarixlərində Gəncə Dövlət Filarmoniyasının təşkilatçılığı ilə COP29-a həsr olunan "Təbiətin səsi" adlı sərgi keçiriləcək.

Filarmoniyanın Urban Mərkəzində nümayiş etdiriləcək sərginin açılışı 18 noyabr saat 17:00-da olacaq. Açılışda filarmoniyanın solistləri konsert proqramı ilə çıxış edəcək.