Səudiyyə Ərəbistanının paytaxtı Ər-Riyadda dünyanın ən böyük binasının tikintisinə başlanılır.

Tikintisi 50 milyard dollara başa gələcəyi gözlənilən bina “The Mukaab” adlanır.

Kompleksin hündürlüyü 396 metr, eni 365 metr olacaq. Binada ticarət platformalarının, ofislərin və restoranların, habelə 104 min yaşayış və 9 min hotel otağının olması planlaşdırılır.

Səudiyyə mənbələrinin məlumatına görə, binanın tikintisi 2030-cu ilə qədər tamamlanacaq. Binanın xarici divarları mənzərələri əks etdirmək üçün virtual reallıq texnologiyası ilə təchiz olunacaq. İnteryerdə süni intellektlə işləyən nəhəng holoqrafik proyeksiyalar olacaq.