Noyabrın 27-də saat 19:00-da Beynəlxalq Muğam Mərkəzində görkəmli ədəbiyyatşünas-alim, tərcüməçi, pedaqoq, nasir, ictimai xadim, Dövlət mükafatı laureatı, Əməkdar elm xadimi, akademik Məmməd Arif Dadaşzadənin (1904-1975) 120 illiyinə həsr olunmuş “Ədəbi üfüqlərdə” adlı bədii-musiqili gecə keçiriləcək.

Gecədə alimin ömür yoluna və elmi yaradıcılığına nəzər salınacaq, onun Azərbaycan ədəbiyyatşünaslıq elminin inkişafına verdiyi töhfələr diqqətə çatdırılacaq. Yubiley tədbirində həmçinin bədii-musiqili proqram təqdim olunacaq.

Qeyd edək ki, yubiley gecəsinin media dəstəkçiləri arasında “Mədəniyyət” qəzeti də var.