Bakı Şəhər Mədəniyyət Baş İdarəsinin tabeliyində olan İbrahim Əbilov adına Mədəniyyət Mərkəzi və Yasamal rayon Heydər Əliyev Mərkəzinin birgə təşkilatçılığı ilə Ümummilli lider Heydər Əliyevin anım gününə (12 dekabr) həsr olunan “Heydər Əliyev xatirələrdə” adlı tədbir keçirilib.

Yasamal rayon Heydər Əliyev Mərkəzində təşkil olunan tədbirdə 167 nömrəli tam orta məktəbin müəllim və şagird kollektivi iştirak edib.

Əvvəlcə Azərbaycan Respublikasının Dövlət Himni səsləndirilib. Sonra Ulu öndərin əziz xatirəsi bir dəqiqəlik sükutla yad olunub.

Tədbirdə Ümummilli lider Heydər Əliyevin dövlətçilik fəaliyyəti ilə bağlı məruzə dinlənilib, film nümayiş olunub.

Bədii hissədə İ.Əbilov adına Mədəniyyət Mərkəzində fəaliyyət göstərən "Oğuzlar" folklor xalq ansamblı çıxış edib.