Yanvarın 13-də Bakı Şəhər Mədəniyyət Baş İdarəsinin tabeliyində olan Rauf Hacıyev adına 15 nömrəli onbirillik Musiqi məktəbinin təşkilatçılığı ilə Azərbaycan Dövlət Akademik Filarmoniyasının Kamera və Orqan Musiqi Zalında konsert keçirilib.

“Qış nağılı” adlı konsertin məqsədi şagirdlərin yaradıcılıq inkişafına və təcrübə mübadiləsinə şərait yaratmaqdır.

Konsertdə Tofiq Quliyev adına 12 , Rauf Hacıyev adına 15, Əhməd Bakıxanov adına 6 nömrəli musiqi məktəblərinin şagirdləri çıxış ediblər.

Şagirdlərin ifasında səslənən musiqi nömrələri tamaşaçılar tərəfindən alqışlarla qarşılanıb.