Azərbaycan Turizm və Menecment Universitetinin (ATMU) iki tələbəsi iyunun 29-dan iyulun 10-dək Türkiyənin Ərzurum şəhərindəki Atatürk Universitetində təşkil olunacaq yay məktəbində oxuyacaq. ATMU tələbələri tədris proqramına uyğun planlaşdırılan dövrdə turizm, marketinq, menecment fənlərindən dərs deyən professor-müəllim heyətinin mühazirələrini dinləyəcək, Ərzurum bölgəsinə və Qara dəniz sahillərinə məqsədli tur-səfər edəcəklər.
ATMU-nun mətbuat xidmətindən verilən məlumatda bildirilir ki, Atatürk Universitetində ingilis dilində fəaliyyət göstərən yay məktəbini indiyədək universitetin 10 tələbəsi bitirib.