"Azərbaycan Hava Yolları" (AZAL) Bakıda keçirilən “AİTF-2016” sərgisi çərçivəsində Azərbaycan Mədəniyyət və Turizm Nazirliyinin Rusiya Federasiyasında rəsmi turizm nümayəndəliyi olan “Tour A Vent” şirkəti ilə uzunmüddətli əməkdaşlıq barədə razılıq əldə edib. Müqaviləyə əsasən, turizm şirkətinə AZAL tərəfindən yerinə yetirilən Kazan-Bakı-Kazan müntəzəm reysində yer bloku ayrılacaq.
Bundan əlavə, aviaşirkət və turizm şirkəti Ulyanovsk hava limanından Bakıya çarter reyslərin yerinə yetirilməsini razılaşdırıblar.