Rusiyanın NTV telekalında yayımlanan “Poedem, poedim!” (“Gedək, yeyək!”) verilişinin növbəti buraxılışı Mədəniyyət və Turizm Nazirliyinin dəstəyi ilə Azərbaycana həsr olunub. Verilişdə aparıcı Con Uorren Naftalanda neft vannası qəbul edib və əcəbsandal hazırlayıb.
Çəkilişlər Bakıda Dənizkənarı Milli Park, Yanardağ, Atəşgah və şəhərimizin digər görməli yerlərində, həmçinin Gəncə və Naftalanda, Göygöl rayonunda aparılıb.
Qeyd edək ki, nazirliyin beynəlxalq fəaliyyətinin prioritetlərindən biri Azərbaycanın turizm potensialının təbliğidir. Bununla bağlı müxtəlif ölkələrin kanallarında tanıtım filmləri, verilişlər yayımlanır.