ABŞ-ın səyahət gəmisi təxminən 50 ildən bəri ilk dəfə olaraq Florida ştatının Mayami şəhərindən Kubaya yola düşüb. Mayın 1-dən başlanan kruiz səfərləri iki həftədən bir təşkil olunacaq.
“Carnival Corporation” kompaniyası Mayamidən Kubaya layner göndərmək barədə ABŞ Maliyyə Nazirliyindən müvafiq icazə alıb. Səyahət 704 sərnişin daşıya bilən “Adonia” gəmisi tərəfindən həyata keçiriləcək. Biletlərin qiyməti 2 min dollardan 7,5 min dollara qədərdir.