Misirin Şarm Əl-Şeyx şəhərindən Bakıya birbaşa aviareys barədə qərar mayın 19-dək qəbul ediləcək. Bu sözləri Misir Ərəb Respublikasının Azərbaycandakı səfiri xanım Suzan Cəmil Nuh deyib. Onun sözlərinə görə, mayın 15-də Misir Ərəb Respublikasının turizm sahəsi üzrə rəsmi qurumlarının və turizm şirkətlərinin nümayəndələri Bakıya işgüzar səfərə gələcək. Səfər çərçivəsində hər iki ölkənin turizminin inkişafına dair görüşlər keçiriləcək və Şarm Əl-Şeyx şəhərinə birbaşa aviareysin açılması barədə qərar rəsmən elan olunacaq.