Birləşmiş Millətlər Dünya Turizm Təşkilatı (UNWTO) Baş Assambleyasının ötən ilin sentyabrında Kolumbiyanın Medelin şəhərində keçirilən sessiyasında qəbul edilən qətnaməyə əsasən 2017-ci il dünyada “Beynəlxalq davamlı turizm ili” elan edilib.
Bu qərarın qəbul olunmasında məqsəd turizm sənayesinin inkişafında davamlı turizmin rolunun artırılması, bu növ turizmin təbliğatının, eləcə də bu sahə üzrə maarifləndirmə işlərinin gücləndirilməsidir.
2017-ci il dünyada “Beynəlxalq davamlı turizm ili” Dünya Turizm Təşkilatı, eləcə də hökumətlər, BMT-nin aidiyyəti təşkilatları, digər beynəlxalq və regional təşkilatların birgə əməkdaşlığı çərçivəsində həyata keçiriləcək. “Beynəlxalq davamlı turizm ili”nin ölkəmizdə də qeyd edilməsi məqsədilə təşkilatdan müvafiq müraciət məktubu göndərilib.