Azərbaycan Turizm və Menecment Universitetində (ATMU) Kolumbiyanın ölkəmizdəki müvəqqəti işlər vəkili xanım Marta İnes Qalindo Penya ilə görüş keçirilib.
Görüşdə ATMU-nun rektoru, professor Cəfər Cəfərov iki ölkə arasında mövcud əlaqələrdən, universitetin inkişaf strategiyasından danışıb. Həmçinin dünyanın nüfuzlu ali məktəbləri, bir sıra beynəlxalq təşkilatları ilə qurulan əlaqələrin səmərəli olması faktını diqqətə çatdırıb.
Söhbət zamanı iki ölkədə turizmin müasir vəziyyəti, mövcud problemlər və inkişaf istiqamətləri barədə fikir mübadiləsi aparılıb.