İyunun 14-də qədim Səmərqənd şəhərindəki Mərkəzi Asiya Tədqiqatlar İnstitutu (YUNESKO İnstitutu) “Nizami və Nəvai: tarixi və mədəni əlaqələr” mövzusunda beynəlxalq elmi konfrans keçirəcək.
   Tədbirdə Azərbaycan, İran, Türkiyə, Tacikistan və Özbəkistandan Nizami və Nəvai yaradıcılığını tədqiq edən alimlər və tədqiqatçılar iştirak edəcəklər. Konfransda Şərqin iki dahi söz ustası Nizami Gəncəvi və Əlişir Nəvainin əsərləri haqqında mühazirələr oxunacaq, orta əsrlərin türkdilli və farsdilli ədəbiyyatları arasında qarşılıqlı əlaqələr və qarşılıqlı təsir imkanları ilə bağlı müzakirələr aparılacaq.