Azərbaycanın gənc musiqiçisi, Prezident təqaüdçüsü, beynəlxalq müsabiqələr laureatı, Bülbül adına Orta İxtisas Musiqi Məktəbinin 10-cu sinif şagirdi Nərmin Nəcəfli gənc pianoçuların Böyük Britaniyanın Nyukasl şəhərində keçirilən V Beynəlxalq müsabiqəsində birinci yeri qazanıb. İfaçı müsabiqədə 12-16 yaş qrupu üzrə qalib olub. On beşdən çox ölkədən musiqiçilərin qatıldığı yarışmada II yeri Böyük Britaniya, 3-cü yeri isə Böyük Britaniya, Finlandiya və Çexiyadan olan musiqiçilər tutublar. N.Nəcəfli bu il üç beynəlxalq müsabiqədə iştirak edib və hər üçündə qalib olub.