- 21-12-2012
- 684
Dekabrın 21-də Kanadanın Toronto şəhərində beynəlxalq muğam festivalı çərçivəsində dünya şöhrətli musiqiçi Alim Qasımovun “Sama-e Rast Muğam rəqsi” adlı konserti olacaq. Sözügedən festival Kanadada qışın gəlişinə və 21 dekabrda dünyanın maraqla gözlədiyi “Planetlərin paradı” hadisəsi münasibətilə təşkil edilib.Xalq artisti konsertdə tanınmış rəqqas, Güney Azərbaycandan olan Saşar Zariflə birgə şou təqdim edəcək. Konsertdə 70 yaşlı rəqqas, xanım Mimi Beikin də çıxışı olacaq.
Festival Kanadanın və Ontario əyalətinin incəsənət şuraları, Azərbaycan Respublikasının Kanadadakı səfirliyinin dəstəyi ilə təşkil edilib. Festivalın məqsədi Azərbaycanın zəngin muğam ənənələrini Kanadada təbliğ etməkdir.
