Azərbaycan Dövlət Akademik Opera və Balet Teatrında mövsümün son səhnə əsəri - Cüzeppe Verdinin "Traviata" operası nümayiş olunub. "Traviata" teatrın repertuarındakı ən populyar və sevilən tamaşalardandır. Dahi C.Verdinin Aleksandr Dümanın romanı əsasında yazdığı operanın ruhu təzələyən musiqisi hər bir dinləyicinin qəlbinə yol tapır.
Tamaşaya Xalq artisti Cənnət Səlimova quruluş verib, səhnə tərtibatçısı Xalq rəssamı Tahir Tahirovdur. Partiyaları teatrın aparıcı aktyorları oynayıblar.