Amerika Kino Akademiyası 2024-cü ildə “Oskar” mükafatına namizədlərin qısa siyahısını açıqlayıb.

Ən çox nominasiya “Oppenheimer” filminə məxsusdur: 13 nominasiya. “Poor Things” filmi 11, “Killers of the Flower Moon” 10 nominasiyada namizəd göstərilib.

“Ən yaxşı film” üzrə nominantlar bunlardır: “American Fiction” (“Amerika qiraəti”, rejissor Kord Cefferson); “Anatomy of a Fall” (“Düşmə anatomiyası”, Fransa, rejissor Justine Triet); “Barbie” (ABŞ, rejissor Qreta Qerviq); “The Holdovers” (“Atılmışlar”, ABŞ, rejissor Aleksandr Peyn); “Killers of the Flower Moon” (“Çiçək ayının qatiləri”, rejissor Martin Scorsese); “Maestro” (ABŞ, bəstəkar Leonard Bernstayn haqqında bioqrafik film, rejissor Bredli Kuper); “Oppenheimer” (Britaniya-ABŞ, rejissor Kristofer Nolan); “Past Lives”  (“Ötən həyatlar”, ABŞ, rejissor Selin Son);  “Poor Things” (“Kasıblar-bədbəxtlər”, ABŞ-Britaniya, rejissor Yorqos Lantimos);  “The Zone of Interest” (“Maraqlar zonası”, Britaniya, rejissor Conatan Qleyzer).

“Ən yaxşı rejissor” nominasiyası üzrə beşlik: Justine Triet (“Anatomy of a Fall”); Martin Scorsese (“Killers of the Flower Moon”); Christopher Nolan (“Oppenheimer”); Yorgos Lanthimos (“Poor Things”); Jonathan Glazer (“The Zone of Interest”).

“Ən yaxşı aktyor” nominasiyası üzrə: Bradley Cooper (“Maestro”); Colman Domingo (“Rustin”); Paul Giamatti (“The Holdovers”); Cillian Murphy (“Oppenheimer”); Jeffrey Wright (“American Fiction”).

“Ən yaxşı aktrisa” nominasiyası: Annette Bening (“Nyad”); Lily Gladstone (“Killers of the Flower Moon”); Sandra Hüller (“Anatomy of a Fall”); Carey Mulligan (“Maestro”); Emma Stone (“Poor Things”).

96-cı “Oskar” mükafatlarının təqdimatı martın 10-da Los-Ancelesdəki “Dolby Theatre”da olacaq.