Türkiyədə TÜRKSOY-un təşkilatçılığı ilə beynəlxalq “İpək yolu Şairlər Görüşməsi” adlı poeziya festivalı keçirilir. Festivalda Azərbaycan, Qazaxıstan, Qırğızıstan, Özbəkistan, Altay, Moldova, Tatarıstan, Kabarda Balkar, Krım, Kosovo və Makedoniyadan dəvət olunan şairlər şeirlərini səsləndirəcək. Tədbirdə Azərbaycandan şair Ələmdar Cabbarlı iştirak edir.
   TÜRKSOY-un yaranmasının 20 illiyi münasibətilə təşkil olunan festival Türkiyənin Sapanca, Bolu, Karaman, Əskişəhər və İstanbul şəhərlərini əhatə edir. İyunun 22-də Sapancada başlanan poeziya bayramı ayın 29-da İstanbulda başa çatacaq.