2013-cü il üzrə Milli Kitab Mükafatının qalibləri olmuş Zakir Sadatlı, Pərvin Nurəliyeva və Malik Dursunovun əsərləri nəşr olunub. Kitablar Bakının bütün kitab evlərində satışda olacaq. Nəşrləri internet vasitəsilə www.alinino.az saytından da sifariş vermək mümkündür. Qısa müddətdə kitabların elektron variantlarını həm mobil telefon, həm planşet, həm də kompyuter vasitəsilə oxumaq mümkün olacaq.
   Milli Kitab Mükafatı 2009-cu ildə “Əli və Nino” nəşriyyat evi tərəfindən təsis edilib. Mükafatın əsas məqsədi ictimai diqqətin Azərbaycan ədəbiyyatına cəlb edilməsi, ədəbi əsərlərin üzə çıxarılması və stimullaşdırılmasıdır.