Sentyabrın 20-də Azərbaycan İstiqlal Muzeyində “İnsan haqları, humanizm və maarifçilik” mövzusunda tədbir keçirilib.
Tədbirdə İstiqlal Muzeyinin Elmi-kütləvi işlər şöbəsinin müdiri Sədi Mirseyibli, “Polisə Dəstək” İctimai Birliyinin sədri, ekspert hüquqşünas, ehtiyatda olan polis polkovniki Şəmsəddin Əliyev çıxış edib.
Bildirib ki, insan haqları demək olar ki, dünyanın bütün ölkələri tərəfindən qəbul edilir. Konstitusiyalarda əsas hüquqların və beynəlxalq razılaşmaların köməyi ilə insan haqları inkar olunmaz bir hüquq kimi təsdiqlənir. Beynəlxalq aləmdə insan haqları BMT-nin müvafiq bəyannaməsi ilə təsbit olunub.
Azərbaycan Dövlət Rəssamlıq Akademiyasının tələbələrinin, Milli Qvardiyanın əsgərlərinin, Hərbi Dəniz Qüvvələrinin şəxsi heyətinin və digər qonaqların iştirak etdikləri tədbirdə “İnsan haqları nədir?” adlı film nümayiş olunub.