“Üzeyir Hacıbəyli-125” Beynəlxalq Musiqi Festivalı çərçivəsində Rüstəm Mustafayev adına Dövlət İncəsənət Muzeyində Fortepiano musiqisi axşamı keçirilib. Konsertdə Əməkdar artist, beynəlxalq müsabiqələr laureatı, Bakı Musiqi Akademiyasının dosenti Murad Hüseynov çıxış edib. Tədbirdə Azərbaycan, rus və Qərbi Avropa bəstəkarlarının əsərləri səslənib. M.Hüseynovun ifaları sürəkli alqışlarla qarşılanıb. İfaçı bildirib ki, bu festivalda iştirak onun üçün şərəflidir.