Fevralın 6-da Beynəlxalq Muğam Mərkəzində “Yeddi muğam dünyasına səyahət” konsert proqramı təqdim edilib. Layihənin bədii rəhbəri Əməkdar artist Fikrət Verdiyev, müəllifi isə Şahin Mirzəyevdir. Konsertdə Xalq artisti Arif Babayev, əməkdar artistlər Almaz Orucova, Səbuhi İbayev, xanəndələr Zakir Əliyev, Şahin Mirzəyev, Ehtiram Hüseynov, Sevinc Sarıyeva və Anar Quliyevin ifasında muğamlar səslənib. Xanəndələri tarzən Fikrət Verdiyevin rəhbərlik etdiyi “Neftçi” ansamblı müşayiət edib.