Aprelin 13-də Beynəlxalq Muğam Mərkəzində vokal axşamı keçiriləcək. AzTV-nin musiqi kollektivlərinin və Beynəlxalq Muğam Mərkəzinin birgə layihəsi çərçivəsində reallaşacaq konsertdə əməkdar artistlər Gülnaz İsmayılova, İnarə Babayeva, Anar Şuşalı, ifaçılar İlahə Əfəndiyeva, Azər Rzazadə, Fərid Əliyev, Anton Feştanq və Ramil Qasımovun ifasında Azərbaycan bəstəkarlarının əsərləri səsləndiriləcək. Layihənin məqsədi gənclər arasında milli-mənəvi dəyərlərin təbliğidir. Yanvarda başlanan layihə il ərzində müxtəlif konsertlər, konfranslar, tədbirlər və seminarlar vasitəsilə davam edəcək.