Aprelin 11-dən 15-dək Qazaxıstan Mədəniyyət Nazirliyinin təşkilatçılığı ilə bu ölkənin Kastanay şəhərində “Qızıl mikrofon” Beynəlxalq vokal müsabiqəsi keçiriləcək. UNESCO və digər beynəlxalq təşkilatlar tərəfindən dəstəklənən və 12 ölkədən iştirakçıların qatılacağı müsabiqədə ölkəmizi Bakı şəhərindəki Georgi Şaroyev adına 35 nömrəli uşaq musiqi məktəbinin şagirdi İtaliya və İspaniyada keçirilmiş iki beynəlxalq müsabiqənin laureatı Emin Eminzadə təmsil edəcək.
   Gənc vokalçı sənət yarışmasında dünya şöhrətli müğənni və bəstəkarımız Müslüm Maqomayevin “Azərbaycan” və “Bessame muço” ispan mahnılarını ifa edəcək.