Müğənni Murad Sadıx Rusiyanın Xalq artisti Aleksandr Serovun repertuarından ifa etdiyi «Mən səni göz yaşlarıma qədər sevirəm» mahnısına çəkdirdiyi klipin təqdimatını keçirib. Mərasimdə xalq artistləri Flora Kərimova, Məleykə Əsədova, müğənnilər Ayan Babakişiyeva, Nadir Qafarzadə, Samira Allahverdi, Günay İbrahimli, Elnur Məmmədov və başqaları iştirak edib. Rejissor Ramil Ağasıyevin çəkdiyi ekran işində Muradın sevgilisi rolunu mərhum sənətçimiz Yaşar Nurinin qızı Ülkər Nuriyeva canlandırıb.