Aprelin 30-dan mayın 4-dək Hollandiyada keçirilmiş “Perpetuum Mobile” beynəlxalq müsabiqəsində Azərbaycanı G.Şaroyev adına 35 nömrəli 11 illik uşaq musiqi məktəbinin fortepiano ixtisası üzrə 14 yaşlı şagirdi Suada Hacızadə təmsil edib. Musiqi məktəbindən bildiriblər ki, iki turdan ibarət olan müsabiqədə Suada Hacızadə ikinci dərəcəli diploma layiq görülərək laureat adını qazanıb. Gənc musiqiçi artıq 3-cü dəfədir ki, beynəlxalq müsabiqədə laureat adına layiq görülür.