İyulun 24-də Stokholmda məşhur Azərbaycan bəstəkarları Qara Qarayev, Fikrət Əmirov, Tofiq Quliyev və Vaqif Mustafazadənin əsərlərindən, habelə Azərbaycan xalq musiqisi nömrələrindən ibarət konsert olacaq. Konsert İsveç Azərbaycanlılar Konqresinin mədəniyyət sektorunun məsul nümayəndəsi, bəstəkar Aydın Ziyadlının ifasında təqdim olunacaq.
   İsveç Azərbaycanlılar Konqresinin dəstəyi ilə təşkil olunan tədbirə bu ölkənin Bəstəkarlar Cəmiyyətinin nümayəndələri, Azərbaycan səfirliyinin əməkdaşları, Stokholmun müxtəlif diasporlarının, şəhər ictimaiyyətinin nümayəndələri dəvət edilib.