- 03-07-2013
- 699
Britaniyanın “BBC Radio 3” dalğasında Azərbaycanın muğam sənəti haqqında 60 dəqiqəlik proqram yayımlanıb. Proqramın əvvəlində Azərbaycanın tarixindən danışılıb, ölkəmizin Qafqazda strateji əhəmiyyətli bölgədə yer aldığı vurğulanıb.
Daha sonra Azərbaycan muğam sənətindən bəhs edilərək bildirilib ki, Azərbaycan muğamı bütün dünyanı dolaşmaqdadır. Ünlü sənətçilərimizin ifasında bu ecazkar sənət Şərq-Qərb anlaşmasını, yaxınlaşmasını və vəhdətini təmin etmək baxımından əvəzsiz mənbədir. Sənətkarlarımızın Avropada, Amerikada ifa etdikləri muğam bəşəri musiqi - dünya musiqisi kimi dəyərləndirilir.
Qeyd edilib ki, bəşəriyyətin şifahi və mənəvi irsinin bənzərsiz xəzinələrindən olan Azərbaycan muğamı ötən əsrin əvvəllərindən başlayaraq dünya mədəniyyəti məkanına daxil olmağa başlayıb, dünya musiqişünaslarının, sənətsevərlərin diqqətini daim cəlb edib.
Proqram çərçivəsində Azərbaycanın görməli yerləri sayılan “Yanardağ” haqqında məlumat verilib. Verilişdə Azərbaycanın tanınmış xanəndəsi Qoçaq Əsgərov və onun Londonda yaşayan tələbəsi Fidan Hacıyevanın, digər azərbaycanlı sənətkarların uğurlarından bəhs edilib.
Proqramda muğam sənətimizdən nümunələr səsləndirilib, ölkəmiz və xalqımızın qədim irsi olan muğam haqqında müsahibələr yayımlanıb. Proqrama bu linkdən qulaq asmaq olar:
