Mstislav Rostropoviç Fondunun təqaüdçüləri sentyabrın 22-dən 27-dək İspaniyada “Peregrinos Musicales” Beynəlxalq festivalı çərçivəsində konsert verəcəklər.
   Fondun rəsmi saytında yer alan xəbərdə bildirilir ki, festival hər il İspaniyanın Santyaqo-de-Kompostela şəhərində keçirilir. Mstislav Rostropoviç Fondunun bu möhtəşəm musiqi bayramı ilə əməkdaşlığı ilk dəfə deyil. Keçən ilki festival çərçivəsində dünya şöhrətli bakılı musiqiçiyə həsr edilmiş konsert keçirilib.
   Builki festivalda Yelena Dmitriyeva, Arseni Şulqin (hər ikisi fortepiano), Tatyana Kryaçkova (skripka), Arseni Soy (fleyta) iştirak edəcəklər.