“Yaşıl teatr”da çıxış edəcək

   Sentyabrın 6-da “Natiq” ritm qrupu “Yaşıl teatr”da konsert proqramı ilə çıxış edəcək. Qrupun rəhbəri, Əməkdar artist Natiq Şirinov konsertə ciddi hazırlaşdıqlarını bildirib: “Hər konsertdə fərqli ritmlərdən istifadə olunduğu kimi, bu dəfə də ənənəyə sadiq olaraq, xarici ritmlərdən istifadə edəcəyik. Konsertdə, eyni zamanda orkestr olaraq səhnəyə çıxacağıq. Nağaranı yaşatmaq lazımdır. Bu gün bu aləti muzeyə qoymaq deyil, istifadə etmək gərəkdir. Biz də bacardığımız qədər buna çalışırıq”.