Sentyabrın 11-də Türkiyənin Dənizli şəhərində 4-cü “Türkçəvizya” beynəlxalq musiqi festivalı başlanır. TRT-nin təşəbbüsü ilə reallaşan festival 21 ölkənin sənətçilərini bir araya gətirəcək. Festivalda Azərbaycanı tanınmış müğənni, Əməkdar artist Tünzalə Ağayeva təmsil edir.
   Musiqi bayramının şüarı “Bir dil, bir ürək”dir. Sentyabrın 14-dək davam edəcək festival hər gün Bakı vaxtilə saat 23:00-da “TRT Avaz” və “TRT Müzik” kanallarında, eləcə də Azərbaycan İctimai Televiziya və Radio Yayımları Şirkəti də daxil olmaqla 14 ölkədə canlı yayımlanacaq.