V Üzeyir Hacıbəyli Beynəlxalq Musiqi Festivalı günlərində dünyanın müxtəlif yerlərindən gələn musiqiçilərin çıxışı olacaq. Sentyabrın 26-da Kamera və Orqan musiqisi zalında Fransanın “Utopik” ansamblı Azərbaycan Bəstəkarlar İttifaqının sədri, Xalq artisti Firəngiz Əlizadənin üç əsərini ifa edəcək. Bəstəkarın XX əsrin məşhur yapon şairi İsikava Takubokonun şeirlərinə qələmə aldığı “Yapon poeziyasından” vokal silsiləsi təqdim olunacaq. Bundan başqa, Nigar Rəfibəylinin sözlərinə bəstələnmiş “Üç akvarel” vokal silsiləsi və “Habilsayağı” əsəri də fransalı musiqiçilərin təfsirində dinləyicilərə təqdim olunacaq.