Noyabrın 1-2-də Səməd Vurğun adına Azərbaycan Dövlət Rus Dram Teatrının səhnəsində əfsanəvi ABBA qrupunun ən yaxşı hitləri Sabina Svetkovanın rəhbərliyi altında “Angels” müasir opera şousunun ifasında səslənəcək. Proqrama İsveç qrupunun məşhur “The Winner Takes It All”, “Gimme!”, “Happy New Year” və digər mahnıları daxil edilib.
Layihənin aranjirovkası məşhur dirijor Vyaçeslav Sejanova aiddir. O, caz, fortepiano, simfonik və kamera orkestrləri musiqisi və digər janrlarda əsərlər bəstələyir. Vokal partiyalar “Angels” müasir opera şousunun yüksək istedadlı solistləri tərəfindən oxunacaq.