“Türk xalqlarının ənənəvi musiqisinin keçmişi, bu günü və gələcəyi”

Aprelin 18-dən 20-dək İstanbulda TÜRKSOY, İstanbul Universiteti, Başkent Universiteti ve TİKA-nın birgə təşkilatçılığı ilə “Türk xalqlarının ənənəvi musiqisinin keçmişi, bu günü və gələcəyi” mövzusunda beynəlxalq türk dünyası musiqi mədəniyyəti simpoziumu keçiriləcək.
Simpoziumun keçirilməsində məqsəd türk dövlət və toplumları arasında mədəni əlaqələrin gücləndirilməsi, ortaq mədəniyyət, tarix, dil və incəsənətin tədqiq olunması, tanıdılması, gələcək nəsillərə çatdırılmasıdır.
Tədbirdə türk respublikaları ilə yanaşı, ABŞ, Britaniya, Macarıstan, Rusiya, Monqolustan, Çin və Norveçdən alimlərin, musiqişünasların iştirakı nəzərdə tutulub.