Aprelin 28-də L.və M.Rostropoviçlərin ev-muzeyində dahi violonçelist Mstislav Rostropoviçin xatirəsinə həsr olunan musiqili gecə keçiriləcək. Tədbirdə dirijor Cavad Tağızadənin rəhbərliyi altında Azərbaycan Bəstəkarlar İttifaqının nəzdində «Simfonietta» orkestrinin ifasında maraqlı konsert proqramı səslənəcək, maestronun həyat və yaradıcılığından söz açılacaq. Qonaqlar Mstislav Rostropoviçin şəxsi əşyalarından və fotoşəkillərindən ibarət sərgi ilə tanış olacaqlar.