2014-cü ilin may-noyabr aylarında Azərbaycan Respublikası müstəqillik tarixində ilk dəfə olaraq Avropa Şurasının Nazirlər Komitəsinə sədrlik edəcək. Sədrlik çərçivəsində Azərbaycan mədəniyyətini təbliğ etmək məqsədilə qurumun baş qərargahının yerləşdiyi Strasburq şəhərində bir sıra tədbirlərin keçirilməsi nəzərdə tutulub. Mayın 14-də şəhərdə etno-caz konserti və Azərbaycan mətbəxi nümunələrinin təqdimatı olacaq. Konsertdə tanınmış cazmen İsfar Sarabski çıxış edəcək. Mərasimdə milli mətbəximizin ən ləziz nümunələri qonaqlara təqdim olunacaq. Bu məqsədlə Milli Kulinariya Mərkəzinin direktoru Tahir Əmiraslanovun rəhbərliyi ilə bir qrup aşpaz Strasburqda səfərdədir.